ನನ್ನ ಒಂದು ತೈಲವರ್ಣ ಚಿತ್ರ |
ನವಿರಾದ ತಂಗಾಳಿ ಸೋಕಲು,
ಬರುವ ಮಳೆಯ ನೆನಪಿಸಿರಲು
ನಾನಾಗುತಿಹೆ ನಿನ್ನೆಯ ಪಾಲು!
ಸಂಧ್ಯಾರಾಗ ಜತೆ ಕರಿಮುಗಿಲು,
ನಭ ತಾ ನೇರಳೆಯಾಗುತಿರಲು,
ಮನ ತೂಗಿದೆ ನೆನಪ ತೊಟ್ಟಿಲು!
ಸವೆದ ದಾರಿಯ ದಿಟ್ಟಿಸೆ ಕಂಗಳು,
ಹಿತವಾಗಿ ಹರಿವ ಹಾಲ್ನೆನಹುಗಳು
ಕಿವುಚಿ ಸರಿವ ಆ ಹಳೆನೋವ್ಗಳು!
ಎದುರಿರೆ ಅರಿಯದ ತಿರುವುಗಳು,
ಅನುಭವ ಪಾಠವೀ ನೆನಪುಗಳು,
ಇಕ್ಕೆಲದಿ ಜ್ವಲಂತವೀ ದೀಪಗಳು!
ಜಿನುಗುಹನಿಗಳು ಬಲಿಯುತಿರಲು,
ಶುಚಿಯಾಗುತಿರೆ ಎನ್ನೊಳಮಜಲು,
ಆ ನಾಳೆಗಿವೇ ಎನ್ನ ದೃಢಕಾವಲು!
ವಾಹ್ ತುಂಬಾ ಚೆನ್ನಾಗಿದೆ ಕವನ ...
ReplyDeleteನಾನಾಗುತಿಹೆ ನಿನ್ನೆಯ ಪಾಲು! ಎಂತಹ ಅರ್ಪಣಾಭಾವ ಕವಿಯತ್ರೀ
ReplyDeleteಹಿತವಾಗಿ ಹರಿವ ಹಾಲ್ನೆನಹುಗಳು ಇದೇ ಬದುಕಿನ ನಿಜ ಮಜಲು
ಆಮೇಲೆ, ಆ ನಾಳೆಗಿವೇ ಎನ್ನ ದೃಢಕಾವಲು!
ಅದೇ ಹೆಂಗೆಳೆಯರ ಮನೆ ತಿದ್ದುವ ಪರಿ ಮತ್ತು ಒಲುಮೆಯ ಅಗಾಧತೆ.
ಅಚ್ಚುಕಟ್ಟಾಗಿ ಬಾವಗಳ ಸೆರೆಹಿಡಿದ್ದಿದ್ದೀರಾ.. ಇಷ್ಟವಾಯಿತು.
ReplyDeletehttp://mounaveene.blogspot.in
mechchida tamagellarigoo bhaavapoorNa dhanyavaadagaLu
ReplyDelete