Wednesday 20 February 2013

ವಾಮನ ಪ್ರಾಯ ಭಾವ

 
ನನ್ನ ತೈಲವರ್ಣ ಚಿತ್ರ

ಇಡಿ ಜೀವವ ಸೋಲಿಸುತಿದೆ ಈ ಹಿಡಿಭಾವ!
ಹೃದ್ಗತಿಯ ತಪ್ಪಿಸಿರೆಯೀ ಇಂಪಾದ ಕಲರವ,
ಕನಸು ಮನಸ ಮಣಿಸಿರೆ ಈ ಪರವಶ ಭಾವ
ನೀಡಿ ತನುಮನಕೆ ಉಲ್ಲಾಸದ ದೀಪೋತ್ಸವ!

ವಿವೇಚನೆಗೂ ಅಚ್ಚರಿ ಹುಟ್ಟಿಸಿದೆಯೀ ಮೋಡಿ
ನಾಲ್ಕು ಸವಿ ಮಾತುಗಳೇ ಮಾಡಿರೆ ಗಾರುಡಿ
ಲಜ್ಜೆ ತೊರೆದು ಹಾರಿರಲು ಈ ಭಾವಬಾನಾಡಿ
ಸಾವರಿಸುತ್ತ ಆನಂದಿಸಿದೆ ಜೀವವಿದ ನೋಡಿ!

ನಿಸರ್ಗದಲೂ ಕಂಡಿದೆ ತುಷ್ಟಿಯ ಪ್ರತಿಫಲನ
ತೃಪ್ತ ಮನಕೆ ಶಿಶಿರದಲೇ ವಸಂತನಾಗಮನ
ಮೀರುತ್ತ ಬೆಳೆಯುತಿದೆ ಈ ಹುಲುಮಾನವನ,
ತ್ರಿವಿಕ್ರಮನಂದದಿ ಈ ಹಿಡಿಭಾವದ ಸಂಕಲನ!

1 comment: